Naby

Onderrig

Ons onderwysers is hoogs gekwalifiseerd – baie van hulle is in meer as een rigting opgelei en het verskeie grade. Ons het noue bande met die Onderwysdepartement by die Universiteit van Johannesburg en bly so op hoogte van die nuutste onderrigmetodes, -benaderings en neigings in die veld.

Ons voel werklik baie sterk daaroor om elke liewe kind in ons sorg se potensiaal in ooreenstemming met sy/haar talente te ontsluit. Geen twee kinders is dieselfde nie en dis ook nie hoe hulle benader behoort te word nie. Daar is nie meer as 20 leerders in elke klas nie, wat dit vir ons moontlik maak om waarlik by elke individu uit te kom.

Ons kinders word geleer om aannames te bevraagteken, hulle gedagtes te deel, hulle bydraes waardig te ag en hulle gevolgtrekkings te evalueer. Dis ons doelwit om hulle opvoedkundige reis vol pret en opwinding te maak.